Os resultados aportarán información aos servizos médicos sobre o estado físico actual do plantel
Os xogadores do primeiro equipo celeste sometéronse durante este martes e mércores a unha completa analítica no Hospital Vithas Nuestra Señora de Fátima. Os resultados deste control permitirán aos servizos médicos do club avaliar con precisión o estado físico do plantel de cara á recta final do campionato ligueiro.
As probas incluíron análises de sangue e ouriños, do mesmo xeito que nos exames médicos de principio de tempada. Vithas Nuestra Señora de Fátima é o hospital de referencia do Real Club Celta e provedor de servizos médico-sanitarios do club desde mediados dos anos 70.
CeltaTV: http://t.co/S4UEj24Il5