O RC Celta pechou esta tarde un novo reforzo para a súa filial, o mozo central portugués Vicente de Andrade. O defensor, de 18 anos de idade, chega procedente do Río Ave e será céltico ata xuño de 2026.
Vicente achegará velocidade e seguridade á defensa dun Celta B que buscará esta fin de semana en Alcorcón a súa primeira vitoria tras as boas sensacións que ofreceu no seu debut ante o Sanse.
Vicente de Andrade formouse nas categorías inferiores do Río Ave e esta tempada disputou os tres partidos da liga U23 de Portugal.
