O Salón Regio da Sede acolleu este martes o sorteo da Copa de Campións de División de Honra Xuvenil na que o RC Celta será organizador tras conseguir o título de campión no Grupo I do Campionato de Liga desta categoría.
Este prestixioso torneo, que contará cos mellores talentos da categoría de todo o panorama nacional, celebrarase entre os días 6 e 11 de maio nas instalacións deportivas da Madroa e o Estadio de ABANCA Balaídos.
Xunto ao RC Celta estarán presentes Numancia, Zaragoza, Sevilla, Atlético de Madrid, Real Madrid, como mellor segundo, Tenerife e Villarreal.
Os emparellamentos serán os seguintes:
Cuartos de final
1) CD Tenerife vs RC Celta – A Madroa, 6/5/2019 ás 10.00 horas
2) Atlético de Madrid vs Real Zaragoza – A Madroa, 6/5/2019 ás 12.30 horas
3) Villarreal CF vs CD Numancia – A Madroa, 6/5/2019 ás 16.00 horas
4) Real Madrid vs Sevila FC – A Madroa, 6/5/2019 ás 18.30 horas
Semifinais
1) Gañador Cuartos de Final 1 vs Gañador Cuartos de Final 2 – ABANCA Balaídos 8/5/2019 ás 12.00 horas
2) Gañador Cuartos de Final 3 vs Gañador Cuartos de Final 4 – ABANCA Balaídos 8/5/2019 ás 17.00 horas
Final
3) Gañador Semifinal 1 vs Gañador Semifinal 2 – ABANCA Balaídos 11/5/2019 ás 17.00 horas
Doutra banda, o RC Celta quedou emparellado co CD Numancia nos 1/8 de final da Copa de SM o Rei Xuvenil. O encontro de ida disputarase o 19 de maio en Vigo e a volta o 26 de maio en Soria.
