A fin de semana comezaba o sábado cos equipos alevíns, que vencían na Madroa ante CD Choco e Rápido de Bouzas para sumar 32 e 34 puntos, respectivamente; un Alevín A que, ao día seguinte, vencía por 0-6 ao CD Conxo Santiago na Merced na terceira xornada do Conservas Calvo F11. Máis tarde, o Infantil A ganaba na Madroa ao Pabellón ED Ourense e o Benxamín B derrotaba a domicilio a O Castro British School.
Pola tarde, o Cadete A derrotaba por 1-5 ao CD Lugo na primeira xornada da segunda fase, mentres que o Benxamín A, que viña de vencer (0-5) o pasado xoves á ED Val Miñor, impoñíase ao Coruxo FC fóra de casa.
O domingo iniciábase coa gran vitoria (2-1) do Celta B ante o RC Deportivo da Coruña para alcanzar os cincuenta puntos. Ao mediodía, o Xuvenil B vencía por 5-1 ao CD Calasanz na Madroa e sitúase a un punto do liderado. A fin de semana pechábase cun dobre enfrontamento vespertino: o Xuvenil A clasificábase á Final Four da Copa do Rey Xuvenil tras derrotar por 4-1 ao Granada CF na Madroa mentres que o Celta C – Gran Peña iniciaba a fase de ascenso con derrota (3-0) en casa do CD Pontellas.
LaLiga Promises | Infantil B
Fase de grupos: RC Celta B 0-2 FC Barcelona B
Fase de grupos: RC Celta B 0-2 SC Benfica B
Fase de grupos: RC Celta B 0-0 Real Betis B
Fase de consolación: RC Celta B 0-2 Borussia Dortmund B
II Liga Gallega F8 FGDA | Infantil B (1ª xornada)
Fundación Celta Integra 0-7 Fundación Celta Integra B
Fundación Celta Integra B 5-6 ASDAN
Fundación Celta Integra 0-8 RC Deportivo de La Coruña
