O Celta B continúa crecendo nesta pretempada sumando unha nova vitoria no seu sexto partido de preparación. Os vigueses venceron 1-2 ao Céltiga nun partido moi traballado que viviu todos os seus goles no segundo tempo. Os locais adiantáronse no minuto 47 pero o bo traballo dos canteiráns da Madroa tivo a súa recompensa na recta final do choque. Marcos foi o autor do gol do empate e o da vitoria. O conxunto adestrado por Alejandro Menéndez xoga este mércores ás 20:00 ante o Arousa en Vilagarcía.
