A Fundación Celta de Vigo amplía a súa oferta de Campus a Italia onde en colaboración co club ASD Vomero Aminei iniciou a primeira edición no país transalpino.
Ata Nápoles desprazouse Marcos Alonso, coordinador das Escolas e Campus Internacionais da Fundación Celta onde desenvolveu a metodoloxía celeste en 5 sesións prácticas desde o 12 ao 17 de setembro en Nápoles e a provincia de Avellino.
Un total de 150 participantes con idades comprendidas entre os 5 e os 16 anos gozaron e traballaron distintos aspectos técnicos tácticos do xogo utilizadas na metodoloxía das categorías inferiores. Nas devanditas sesións aproveitáronse os descansos para recalcar, como vén sendo habitual, os valores que rexen tanto á Fundación Celta como aos equipos da Canteira, utilizando para iso o fútbol como linguaxe universal nunhas xornadas inesquecibles de deporte e convivencia.
Este campus únese aos que xa son unha realidade en Brasov (Romanía), Campeche (México), Dublín (Irlanda), Chiba e Kanagawa (Xapón), Philadelphia (EEUU), David (Panamá) e Canarias.
