Venceu ao Villarreal no partido polo terceiro posto (4-1). O celeste Romero, premio ao mellor porteiro
O RC Celta Alevín A finalizou a súa participación na Danone Nations Cup alcanzando o terceiro posto da fase nacional. Os celestes, que venceron ao RCD Espanyol en cuartos de final (3-1), caeron en semifinais pola mínima ante a UE Cornellà, equipo que resultou vencedor do torneo tras superar ao Levante no encontro final.
No partido polo terceiro posto o RC Celta venceu con solvencia ao Vilarreal CF por 4-1. O celeste Lois Romero regresa a Vigo co premio ao mellor porteiro da competición, outra proba do enorme potencial dos gardametas da Madroa.
O club e a Fundación Celta continúan traballando para que os equipos da canteira celeste sigan crecendo, mellorando e participando nos eventos máis prestixiosos do fútbol basee, como é o caso da Danone Nations Cup.
