O RC Celta B chegou a un acordo co extremo dominicano Manny, até agora xogador do Atlético de Madrid B, para reforzar o seu ataque. Manny Alexander Rodríguez Baldera (Santiago, República Dominicana, 1998) é un futbolista que destaca pola súa fortaleza física, velocidade e desborde. O novo xogador do filial sobresae tamén pola súa polivalencia e pode ocupar o posto de lateral. Manny asina por dúas tempadas máis outras tres opcionais.
