O RC Celta B reforza o seu ataque coa chegada de Adrián Mancebo. O extremo madrileño chega cedido ata final de tempada con opción de compra desde a Cultura e Deportiva Leonesa.
Mancebo (Madrid, 21/03/1996) é un extremo zurdo que tamén pode actuar de centrocampista ofensivo e que se formou nas canteiras do Real Madrid e Getafe CF. Posteriormente pasou pola disciplina da UD Sanse e do Real Madrid Castilla antes de chegar a León. O novo futbolista do filial destaca polo seu xogo asociativo, a súa verticalidade e a súa capacidade de traballo defensivo.
