O gardameta sufriu a lesión, no adductor dereito, durante o partido do pasado domingo en Zamora
O porteiro do Celta B Rubén Blanco sofre unha pequena rotura fibrilar, de grado I, no adductor da súa perna dereita, segundo revela a ecografía que lle realizaron hoxe ao xogador celeste os servizos médicos do club. O gardameta internacional céltico, quen se lesionou durante o partido do pasado domingo ante o Zamora no campo da Ruta da Prata, permanecerá de baixa entre doce e quince días.
