O Celta B avanza na configuración do seu plantel para o seu debut na Primeira División RFEF. A liña defensiva do cadro de Onésimo Sánchez refórzase coa chegada dun xoven central, Javi Castro, con experiencia, e un excelente rendemento, en Segunda División.
O defensor madrileño, de 20 anos de idade, chega cedido, con opción de compra, do Alcorcón, conxunto co que a pasada campaña disputou 17 partidos na categoría de prata e outros tres na Copa do Rei.
O Celta B suma deste xeito o seu quinto reforzo para a campaña 2021/22 tralas chegadas do guardameta Gaizca Campos, os centrocampistas Carlos Beitia e Álex Carbonell e o atacante Javi Gómez.
