Un Celta B en alza, que o pasado fin de semana abandonou os postos de descenso tras encadear a súa terceira vitoria consecutiva como visitante, afronta este domingo en Barreiro o primeiro de cinco derbis galegos consecutivos, todos eles transcendentais de cara a asegurar a continuidade na división de bronce. A falta de seis xornadas para finalizar a tempada, a última delas en casa ante o Valladolid B, o filial céltico é décimo quinto con 35 puntos, a dous dos postos de descenso e a un da praza de promoción de permanencia.
Os canteiráns celestes dependen de si mesmos para lograr o obxectivo. Este domingo ás 16:30 o Campo de Barreiro acollerá a primeira de seis finais pola permanencia. Enfronte a SD Compostela, penúltimo clasificado con 29 puntos e rival directo dos vigueses.
X33: Celta B – SD Compostela (10/04/2016, 16:30, Barreiro)
X34: Pontevedra CF – Celta B (17/04/2016, Pasarón)
X35: Celta B – Racing Club Ferrol (24/04/2016, Barreiro)
X36: UD Somozas – Celta B (01/05/2016, Pardiñas)
X37: Coruxo FC – Celta B (08/05/2016, O Vao)
X8: Celta B – Valladolid B (15/05/2016, Barreiro)
Os abonados poden acceder aos encontros do Celta B en Barreiro presentando o seu carné na entrada
