O filial clasifícase matemáticamente para os playoffs de ascenso. Santi Mina, en racha, anotou de novo
O Celta B enfrontouse esta tarde á SD Compostela, un rival directo para os vigueses. O partido púxose costa arriba para o filial céltico no primeiro tempo, primeiro polas boas intervencións do porteiro Adrián e segundo polo penalti e expulsión de Soto no minuto 18. Joselu e o céltico pugnaron polo balón, xogada na que o dianteiro da ‘esedé’ caeu na área céltica.
Joselu non perdoou adiantou aos composteláns desde o punto de penalti. Os xogadores celestes fixeron case inapreciable a diferenza numérica sobre o terreo de xogo. Ben situados, frustraron as ofensivas da SD Compostela e non cesaron na procura do empate.
Dous minutos tras a continuación, os de Pichi Lucas aproveitaron un descoido na zaga local para anotar o tanto da igualada. Gol do xoven Santi Mina, que suma seis dianas no últimas catro xornadas. Apenas houbo máis ocasións claras até o final do encontro, salvando dous perigosos achegamentos da SD Compostela á portaría de Óscar de Santiago. Os celestes realizaron un bo partido a pesar de xogalo case todo cun futbolista menos.
FICHA TÉCNICA
1- SD COMPOSTELA: Adrián, Borja, Castiñeiras, Catú, Yahvé (Nogueira, min.85), Jimmy, Gonzalo, Peláez (Marcos, min.74), Manu, Joselu e Jordan (Martín, min.60)
1-CELTA B: Óscar, Kevin, Soto, Maestre, Maceira, Antón, Borja, Añón (Benja, min.68), Camochu (Marcos, min.58), Rubén Martínez (Moreira, min.81), e Santi Mina
Goles: Joselu, 1-0 de penalti (min.20); Santi Mina, 1-1 (min.47)
Árbitro: Brea Peón. Expulsou con vermello directo ao celeste Soto (min.18). Sancionou aos locais Gonzalo e Yahvé e aos célticos Rubén Martínez, Camochu e Borja
Campo: San Lázaro (1.000 espectadores)
Foto: Diego Pérez
