O Celta B dispón xa do seu primeiro reforzo para a tempada 2022/23. O central Javi Domínguez, de 21 anos, súmase ao conxunto de Claudio Giráldez, que comezará a exercitarse a próxima semana tras uns días de probas médicas e físicas. Javi Domínguez procede do Talavera, encadrado a pasada tempada no mesmo grupo que o filial celeste.
O central, que asina por catro tempadas e caracterízase pola súa gran capacidade no xogo aéreo -mide 1,95- e a súa claridade na saída de balón, formouse nas categorías inferiores do Real Madrid, desde onde deu o paso ao CF Talavera de la Reina.
