Entrega, sacrificio, esforzo… espectacular actitude dos xogadores celestes (2-3)
O partido púxose costa arriba enseguida para o filial céltico. Apenas transcorrera 1 minuto cando Joselu puxo por diante ao cadro departamental. O Racing de Ferrol tomou a iniciativa e noutra chegada conseguiu aumentar a súa vantaxe. De novo Joselu enviaba o balón ao fondo da rede e todo isto nos primeiros 15 minutos de xogo.
O 0-2 desperezó aos xogadores celestes. Os de Toni Otero demostraron que calidade e entrega sóbralles e así o comezaron a demostrar. O primeiro aviso serio deuno Señé cunha falta lateral executada con calidade e que a punto estivo de sorprender a Makay. A entrada de Borja Domínguez á media hora deu maior equilibrio e saída de balón. O Celta fíxose co balón, aumentou a súa presenza en territorio ferrolán e chegou ao descanso facendo méritos para reducir as distancias no marcador.
Tras a continuación o Celta B saíu a por todas e ofreceu ao público de Barreiro un segundo tempo espectacular, cargado de decoro e garra. Os célticos fixéronse donos absolutos do partido. No minuto 51 Borja Iglesias marcou o primeiro dos vigueses, un tanto espectacular. O dianteiro santiagués picou o balón por encima do porteiro cun remate de primeiras.
Rioja e Iglesias tiveron a oportunidade de empatar, Néstor realizou varias intervencións de gran mérito… o gol da igualada terminou chegando no minuto 66, obra de Luís Rioja. O filial seguiu envorcado ao ataque coa clara intención de sumar un triunfo, pero o Racing aproveitou unha das súas únicas ocasións da segunda parte para anotar o terceiro. Hattrick de Joselu. Minutos despois penalti claro a Borja Iglesias que o colexiado non sanciona e expulsión do adestrador céltico, Toni Otero.
A situación agravouse no 81. Thaylor chocou co porteiro na disputa por un balón. O árbitro considerou a acción sancionable e mostrou ao celeste o segundo cartón amarelo. A pesar da inferioridade numérica o Celta terminou o encontro envorcado na área rival. Javi Rey enviou un balón ao traveseiro nos compases finais. Derrota inmerecida.
Restan dúas xornadas para o final da tempada e o filial ten unha vantaxe de catro puntos sobre o posto de promoción polo descenso, ocupado polo Langreo. O vindeiro domingo o Coruxo visita Barreiro nunha partido clave para asegurar a permanencia.
FICHA TÉCNICA
2-CELTA B: Nestor, Samu, Goldar (Javi Rey, min.85), Crespo (Borja Domínguez, min.33), Kevin (Javi Que, min.78), Casas, Jordan, Señé, Thaylor, Borja Iglesias e Rioja.
3-R.FERROL: Makay, Jonathan Aspas, Maceira (Álvaro, min.68), Antonio, Tena, Maikel, Marcos (Dalmau, min.57), Dani, Joselu, Pablo Rey e Adrián Cruz (Vela, min.80).
Goles: Joselu, 0-1 (min.1); Joselu, 0-2 (min.16); Borja Iglesias, 1-2 (min.51); Luis Rioja, 2-2 (min.68); Joselu, 2-3 (min.74).
Árbitro: Sánchez Margrana, do comité andaluz. Expulsou con dobre amarela a Thaylor (min.81). Amonestou polo Celta B a Goldar e Casas e polo R.Ferrol a Maceira e Maikel.
Campo: Barreiro.
