Preto de medio centenar de mozos da nosa escola de Brasov (Romanía) gozan desde o pasado domingo 21 e ata o venres 26 deste mes da III edición do Campus Fundación Celta by Cabreiroá.
Ata terras de Transilvania desprazáronse tres técnicos da Canteira para a realización de #o devandito Campus. Durante seis días os mozos romaneses gozarán da metodoloxía Celta a través de tarefas que lles axuden a perfeccionar a súa técnica e a un mellor entendemento do xogo. Paralelamente aprovéitanse os descansos e pausas para realizar pequenos talleres cos máis novos sobre distintos temas (alimentación, hidratación, descanso…), sen esquecer repasar os valores do club mediante exemplos prácticos do día a día.
