Amarga derrota por 1-2 ante a UD San Sebastián de los Reyes no partido correspondente á trixésimo primeira xornada de Liga no grupo I de Primeira RFEF Footters disputado en Barreiro. O cadro visitante adiantouse no marcador con dous goles na primeira metade pero, tras recortar diferenzas no marcador, os de Onésimo quedaron a centímetros do empate.
O partido comezaba con protagonismo para o Sanse, que gozaba dun remate ao pau e doutra boa ocasión nos primeiros minutos de xogo. O 0-1 chegaría preto do ecuador cun gran gol desde fóra da área e, case no descanso, os de Marcos Jiménez ampliaban a súa renda nunha xogada a balón parado.
O Celta B cambiou totalmente tras o descanso e pronto recortaría diferenzas no marcador, por medio de Iker Losada desde o punto de penalti. Os celestes, que tamén sufrirían dúas ocasións moi claras en contra (unha delas ao pau), envorcouse decididamente a por o empate nunha última media hora de choque con innumerables chegadas. O 2-2 puido chegar no tempo de desconto, pero o remate de Cedric íase fóra por moi pouco.
O segundo equipo céltico, que suma 51 puntos en 31 xornadas de liga, visitará ao CF Talavera de la Reina o vindeiro sábado 16 de marzo ás 17:00 no Prado.
FICHA TÉCNICA
1 – RC CELTA B: Gaizka Campos; Carrique (Beitia, min. 71), Álex Martín, Javi Castro, Medrano (Medrano, min. 71); Carbonell (Iker Losada, min. 46), Holsgrove; Alfon, Gabri Veiga, Javi Gómez (Lautaro, min. 46); Miguel Rodríguez.
2 – UD SAN SEBASTIÁN DE LOS REYES: Miguel Bañuz; Javi Rueda (Llerena, min. 69), Barreda, Juanra, Fomeyen, Sergi (Baro, min. 89); Dani Molina, Borja Sánchez, Jime (Ato, min. 81); Fer Ruiz, Raúl.
Goles: Fer Ruiz (0-1, min. 23); Barreda (0-2, min. 39); Iker Losada, p. (1-2, min. 57).
Árbitro: Fuente Martín, do colexio cántabro. Amonestou a Miguel Rodríguez, do Celta B, e a Fer Ruiz, Barreda, Bañuz, Fomeyen e Borja Sánchez, da UD Sanse.
Campo: Barreiro.
