O RC Celta presentou este martes no Salón Regio de A Sede á súa última incorporación para o primeiro equipo, o defensa central Wesley Hoedt. O futbolista neerlandés estivo acompañado na súa posta de longo como celste polo vicepresidente Pedro Posada e o director deportivo Felipe Miñambres.
Wesley Hoedt, cedido até final de tempada con opción de compra
A defensa do RC Celta recibe un impulso de calidade e solidez coa incorporación de Wesley Hoedt, defensa central de 1.92 metros de altura procedente do Southampton FC que chega cedido, con opción de compra a final de tempada, ao equipo vigués. Hoedt (Alkmaar, 6 de marzo de 1994) é un defensor zurdo que atesoura unha boa técnica e visión de xogo, virtudes que lle permiten iniciar o xogo con total precisión, tanto en balóns curtos como en envíos longos. Wesley Hoedt levará o dorsal número 12 na súa camiseta.
O central, internacional absoluto con Holanda, destaca tamén en facetas defensivas, onde a súa envergadura e velocidade permítenlle saír vitorioso dos duelos ante os atacantes rivais. En ataque, a súa altura convértelle nunha ameaza a balón parado.
