O Celta xa coñece ao seu próximo opoñente europeo. O sorteo de 1/16 de final da UEFA Europa League, celebrado este luns en Mónaco, emparellou ao conxunto vigués co Shakhtar Donetsk ucraíno, un dos equipos máis potentes da competición que na Fase de Grupos asinou un pleno de vitorias ante o KAA Gent, SC Braga e Konyaspor.
A ida da eliminatoria disputarase o xoves 16 de febreiro en Balaídos e a volta o xoves 23 do mesmo mes en Ucraína, nun estadio aínda por determinar.
