Anastasios Douvikas (Atenas, 2 de agosto de 1999) é a sexta fichaxe do RC Celta para a presente tempada tras o acordo alcanzado entre o club celeste e o FC Utrecht. O dianteiro heleno aterra na cidade olívica para asinar por 5 campañas, ata 2028.
O ariete de 24 anos vén de pechar unhas espectaculares campañas co conxunto neerlandés, cuns números que falan por si sós: Douvikas foi a pasada tempada o máximo goleador da Eredivisie, cun total de 19 tantos nos 32 partidos ligueiros que disputou, nos que achegou tamén catro asistencias. Ademais, hai que sumarlle outros 3 goles anotados entre os play-offs europeos e a KNVB Beker, a Copa de Fútbol Neerlandesa.
Tasos Douvikas, 15 veces internacional coa selección grega, é un xogador letal na área, un ariete con olfacto goleador, que busca constantemente os espazos. Unha fichaxe de extraordinarias condicións co que o RC Celta fortalece o seu plantel para afrontar esta recentemente inaugurada campaña do Centenario.
