O internacional arxentino Roncaglia chegou onte a Vigo para completar a súa fichaxe polo Celta. Este luns o defensa superou satisfactoriamente as probas médicas, realizadas no Hospital Vithas Nosa Señora de Fátima baixo a supervisión do xefe dos servizos médicos do club celeste, o Doutor García Cota. Roncaglia asinará nas próximas horas o seu contrato como xogador do RC Celta.
