O 25 de agosto os vigueses visitan ao Betis para disputar a segunda xornada do campionato
A Liga de Fútbol Profesional confirmou hoxe os horarios para as xornadas 1 e 2 da Primeira División 2013/2014. O Real Club Celta iniciará a liga en Balaídos ante o RCD Espanyol, o luns 19 de agosto ás 22:00 horas. Este partido terá un sabor especial, xa que o rival é o mesmo da última xornada da tempada anterior, na que o conxunto olívico obtivo a permanencia.
Na segunda xornada o Celta desprazarase a Sevilla para medirse ao Real Betis Balompié. O encontro terá lugar o domingo 25 de agosto ás 23:00 horas.
