As probas médicas de Fátima compleméntanse cun exhaustivo estudo na Universidade de Vigo
Vídeo en CeltaTV: http://t.co/a6begOZQE0
Ás habituais probas médicas no Hospital Vithas Fátima súmase este ano un completo estudo físico de cada xogador, levado a cabo na ‘Facultade de Ciencias da Educación e do Deporte’ da ‘Universidade de Vigo’, no Campus de Pontevedra, baixo a supervisión do nutricionista do club, o doutor Federico Mallo.
O obxectivo destas probas complementarias, nas que emprégase tecnoloxía avanzada, é coñecer a composición corporal exacta dos futbolistas para así fixar obxectivos personalizados a cada un deles: “coa antropometría por impedancia podemos determinar a proporción de auga, graxa e músculo e coñecer a súa distribución”, asegura o doutor Mallo.
Cós datos obtidos os servizos médicos do RC Celta e o corpo técnico celeste poderán coñecer con sumo detalle o estado e condicións físicas dos xogadores, o que permitirá traballar con eles dunha maneira máis eficiente e conseguir que alcancen un maio rendimento.
