Os abonados de Tribuna (Alta e Baixa) aos que se lles comunicou que no partido Celta-Genk serán recolocados noutras localidades da bancada e que aínda non retirasen as entradas coas que poderán acceder a este encontro de Europa League, poderán recollelas este xoves en Balaídos.
En horario ininterrompido de 10:00 a 18:00, estas entradas estarán dispoñibles para recoller nos despachos de billetes do estadio, mentres que a partir das 18:00 poderán retirarse nun portelo habilitado para ese efecto xunto á porta 0. O club recomenda aos abonados afectados que acudan con suficiente tempo para evitar aglomeracións.
