O RC Celta sumou un punto en Granada (0-0) e acumula o seu cuarto partido consecutivo sen coñecer a derrota. Os de Óscar García mostraron a súa fortaleza defensiva e entrega ante un duro rival.
Na primeira metade apenas houbo ocasións de gol. Ambos equipos tentaron facerse co dominio do balón e a maior parte do xogo desenvolveuse no centro do campo. Os xogadores celestes acumularon máis posesión pero faltoulles rapidez nos metros finais.
A segunda metade seguiu a mesma liña, aínda que ambos equipos pisaron máis a área rival. O partido puido cambiar no minuto 68 pero o colexiado non quixo mostrar a segunda amarela a Herrera tras golpear no rostro de Rafinha sen balón polo medio.
FICHA TÉCNICA
0 – Granada: Rui Silva, Foulquier, Martínez, Duarte, Vallejo, Koybasi, Eteki (Ramón, min 56), Herrera; Fede Vico (Darwin, min 74), Vadillo (Puertas, min 62), Soldado
0 – RC Celta: Rubén, Hugo Mallo, Araujo, Murillo, Olaza; Okay, Beltrán (Pape, min 89), Rafinha, Sisto (Brais, min 68), Aspas, Smolov (Santi Mina, min 56)
Árbitro: Cuadra Fernández (Baleares). Amoestou a Fede Vico, Herrera, Soldado (Granada) e a Araujo, Sisto, Aspas, Hugo Mallo (RC Celta)
Campo: Nuevo Los Cármenes
