O luns pola mañá… volta ao traballo na Madroa!

Comeza a campaña 2017/18 no RC Celta. O primeiro equipo inicia a pretemporada baixo as ordes de Juan Carlos Unzué este luns 10 de xullo nas instalacións deportivas da Madroa. Farao dende o día un cunha dobre sesión en xornada matinal (09:30) e vespertina (18:30) que na primeira semana de adestramentos repetirase o martes, xoves e venres.

O mércores o plantel adestrarase só pola mañá para dedicar a tarde a realizar probas médicas. Xa o sábado, os futbolistas celestes exercitaranse a primeira hora e pola tarde gozarán de descanso, do mesmo xeito que durante todo o domingo. Os afeccionados celtistas poderán asistir ao primeiro adestramento da semana na Madroa, que se realizará a porta aberta.