Someterase ademais a unha avaliación da composición corporal mediante antropometría por impedancia en Pontevedra
O luns, martes e mércores da próxima semana, os futbolistas do primeiro equipo do Real Club Celta someteranse aos exames médicos de pretemporada no Hospital Vithas Nuestra Señora de Fátima. Os xogadores faranse completas analíticas e probas para obter a información necesaria para garantir o séu óptimo estado de forma. Tamén se realizará, por primeira vez, unha antropometría por impedancia en Pontevedra á plantilla céltica.
Ao finalizar os exhaustivos exames en Fátima, entre eles, electrocardiogramas, espirometrías e probas de esforzo, os xogadores celestes desprazaranse á Facultade de Ciencias do Deporte do Campus de Pontevedra da Universidade de Vigo para someterse a unha antropometría por impedancia -coñecer a súa composición corporal, cantidades e distribución de auga, graxa e músculo- que tamén contribuirá a comprobar o seu estado e axudará a optimizar o seu rendemento ao longo da tempada.
O Hospital Vithas Nosa Señora de Fátima, proveedor de servizos médico-sanitarios do club desde mediados dos anos 70, é o encargado de realizar tanto os recoñecementos previos ao comezo de tempada das distintas categorías do club, como de cubrir as contingencias sanitarias que se presentan ao longo do ano.
As probas no Campus de Pontevedra realizaranse baixo a supervisión do fisiólogo e nutricionista celeste Federico Mallo.
