O club valenciano adquire os dereitos do futbolista pola cantidad fixada na súa cláusula
O Valencia CF chegou a un acordo co RC Celta para adquirir os dereitos federativos do dianteiro Santi Mina pola cantidade fixada na cláusula de rescisión do xogador. O futbolista vigués militará a próxima tempada no conxunto valenciano.
O RC Celta agradece ao canteirán a súa achega e rendemento durante os anos nos que defendeu a camiseta celeste con entrega e sacrificio, desde as categorías inferiores ata o primeiro equipo.
O atacante deixa en Vigo momentos para o recordo como a final da Copa de Campións de 2013, o seu debut en Xetafe co primeiro equipo con tan só 17 anos ou o póker de goles que asinou a pasada tempada ante o Rayo Vallecano.
O club quere expresar ao canteirán o seu máis sincero agarimo e desexarlle o maior dos éxitos na súa nova etapa deportiva.
