O RC Celta recibiu esta semana ao departamento de Integridade e Seguridade de LaLiga nas Instalacións Deportivas da Madroa. Os talleres de integridade continúan sendo impartidos a clubs de toda España e esta semana foi a quenda do Villarreal CF e do RC Celta.
Desta maneira, LaLiga segue dando pasos para facer do fútbol español unha contorna máis segura, transparente e profesionalizado. Xa a tempada pasada, 42 equipos de LaLiga recibiron estas charlas que informan os xogadores sobre temas como a predeterminación e manipulación de resultados, apostas deportivas, medidas antiviolencia, integridade e respecto, e información interna e privilexiada.
Até final de tempada, LaLiga seguirá visitando semanalmente vestiarios non só de Liga BBVA e Liga Adelante, tamén de Primeira División Feminina e categorías inferiores. É traballo de todos coidar da boa saúde do noso deporte.
