Será un dos partidos de preparación que os vigueses disputarán en Inglaterra
O Real Club Celta xa pechou un dos partidos de preparación que disputará durante a pretempada, que comezará o día 3 de xullo. Os celestes mediranse ao Wolverhampton Wanderers o día 2 de Agosto, sábado, ás 15.00 (hora local) no Estadio Molineux. Os ‘Wolves’, conxunto histórico, ostenta varios récords de enorme valor: É o único club de Inglaterra que ten nas súas vitrinas todos os títulos oficiais do fútbol inglés e ademais é o equipo máximo goleador da historia.
Este encontro formará parte da preparación do conxunto de Eduardo Berizzo en Inglaterra, onde disputará varios amistosos máis durante a pretempada.
