O Celta non puido sumar en Butarque nun partido igualado que decidiu un gol de Guerreiro no inicio da segunda metade. Os celestes empuxaron ao final sen acerto e dan un paso atrás na súa loita polos postos europeos.
Primeira metade igualada, con máis presenza do cadro local en xogadas a balón parado e unha boa ocasión para o Celta cun cabezazo de Iago Aspas que sacou de xeito providencial Cuéllar. Tamén Sergio empregouse a fondo nun par de ocasións para manter a salvo a súa portería. O Celta tivo máis posesión, pero foi incapaz de superar a un Leganés que se replegaba con velocidade e orde.
Tralo descanso, o Leganés empuxou con maior decisión e aos 63 minutos, tras varios erros na saída de balón celeste, Guerreiro acertou nun centro desde a dereita para anotar. Os celestes tiveron algunhas ocasións para lograr o empate, en especial un remate de Wass na área que atrapou Cuéllar. O empuxe final do Celta non deu froitos e os celestes dan un paso atrás na súa loita por acceder aos postos europeos.
1-CD Leganés: Cuéllar, Zaldúa, Bustinza, Siovas, Diego Rico, Rubén Pérez, Gumbau (Mauro, min.87), El Zhar, Eraso (Brasanac, min.80), Omar Ramos e Guerrero
0-RC Celta: Sergio, Hugo Mallo, Cabral, Sergi Gómez, Jonny, Lobotka (Radoja, min.70), Wass, Tucu Hernández, Brais Méndez (Maxi Gómez, min.46), Sisto (Mor, min.70) e Iago Aspas.
Goles: 1-0, min.63: Guerrero
Árbitro: Hernández Hernández, do comité canario. Amonestou a Tucu Hernández, Emre Mor, Hugo Mallo, Rico, Lumbau e Cuéllar
Campo: Butarque
