O club vigués faise coa porcentaxe que ata agora non lle pertencía
O Celta pon unha nova pedra para fortalecer o proxecto deportivo da entidade. O club vigués adquiriu o 35% dos dereitos federativos de Nolito que ata agora non lle pertencían, de maneira que o dianteiro andaluz pasa a ser propiedade do Celta a todos os efectos.
Nas súas dúas primeiras campañas en Vigo, Nolito asinou uns números sobresaíntes que levárono á Selección Española e a ser elixido como un dos mellores xogadores da Primeira División 2014/2015.
O atacante estreouse no seu primeiro ano como celeste con 14 goles e 12 asistencias, mentres que a tempada pasada finalizou o campionato con 13 dianas e igual cifra de asistencias converténdose no máximo goleador do equipo e no xogador nacional con mellores estatísticas na máxima categoría do fútbol español.
O club continúa traballando con tesón para manter a solidez do equipo e dotalo dunha fortaleza que permita manter o continuo crecemento e madurez do proxecto deportivo celeste.
