Dobre motivo de alegría para o centrocampista Pape Cheikh, e por suposto para o RC Celta. O canteirán ampliou o seu contrato co club até 2021 e ademais desde este un de febreiro loce o número 4 na camiseta, o dorsal dun dos seus “ídolos”, dunha das grandes referencias da canteira celeste, Borja Oubiña.
Pape expresou a súa felicidade por ampliar o seu vínculo co Celta e o seu agradecemento pola confianza que o club depositou nel.