A décima xornada pásase do mércores á fin de semana, retrasando as posteriores
O calendario ligueiro sofre unha nova modificación. A décima xornada, programada para o mércores 28 de outubro, pásase a xogar a fin de semana do 1 de novembro. Como consecuencia as xornadas posteriores tamén se atrasan unha semana.
Desta forma encontros de gran interese para a afección celeste como o Deportivo-Celta e o Celta-Deportivo están agora programados para o 22 de novembro e o 10 de abril respectivamente. A Liga finalizará o 22 de maio.
