O RC Celta e o club emiratí chegaron a un acordo para o traspaso do dianteiro arxentino
Joaquín Larrivey xogará no Baniyas SC, da Liga dos Emiratos Árabes Unidos, tras o acordo alcanzado entre o club emiratí e o Real Club Celta.
O club vigués agradece ao atacante arxentino a profesionalidade e total entrega coa que defendeu a camiseta celeste durante a súa única tempada en Vigo. O Celta deséxalle o maior dos éxitos na súa nova etapa, tanto no persoal como no deportivo.
“Grazas a todos os que fixeron que este ano sexa inesquecible para min e a miña familia. Á xente do club, fisios, utilleros, delegado… por facilitarme todo e devolver sempre un sorriso, aos dirixentes por estar sempre en contacto comigo para solucionar calquera circunstancia, á afección por facerme sentir parte importante do club e apoiarme sempre desde o primeiro día no que cheguei, ao gran corpo técnico por darme a posibilidade de crecer xuntos e ensinarme día a día e, fundamentalmente, aos meus compañeiros, aos que se quedaron a facer mais grande ao club e aos que se han ir buscando novas vivencias. Foron realmente excepcionais comigo e espero, de corazón, que se me lembre polo meu paso polo querido Celta como unha boa persoa que deu a vida polos seus compañeiros e pola camiseta. Hermosísima cidade, hermosísima xente e un club que apunta sempre a seguir facéndose máis grande. Esa é a resposta cando alguén me pregunta polo Celta de Vigo. Voume como xogador, pero quedo como seareiro. Ala Celta!”
Joaquín Larrivey
