Iago Aspas escribiu este domingo ante a Real Sociedad outro brillante capítulo da súa historia no RC Celta. O canteirán de Moaña anotou un novo gol ante o conxunto de San Sebastián e xa suma 105 coa camiseta celeste en Primeira División, o que lle converte no máximo goleador histórico do RC Celta na máxima categoría do fútbol nacional tras superar ao lendario Hermidita, con quen empatara na xornada 3 tras a súa diana ao Real Valladolid.
Aspas é historia viva do club. Formado nas categorías inferiores do club, é un dos referentes de todo o celtismo no século XXI. Desde o seu debut co primeiro equipo, o 8 de xuño de 2008 en Salamanca, o dianteiro moañés non parou de bater rexistros goleadores. Para o recordo, entre as súas moitas dianas co RC Celta, os seus dobretes ante o Alavés en 2009 e ante Vilarreal en 2019 ou os seus goles en competicións europeas.
Internacional absoluto con España, Iago Aspas participou no último Mundial de Rusia, onde anotou o gol do triunfo no encontro ante Marrocos. Na súa prolífica carreira, o canteirán xa acumula máis de 350 partidos co RC Celta nos que marcou 156 goles.
Parabén, Iago
