Iago Aspas segue acumulando eloxios e recoñecementos partido tras partido. A súa brillante actuación do domingo ante a Real Sociedad, onde anotou dous goles que permitiron ao RC Celta darlle a volta a un marcador adverso, servíronlle para entrar no mellor XI da xornada de LaLigaFantasy. Ademais, o canteirán celeste alzouse co MVP da semana.
É a segunda ocasión na presente tempada na que o dianteiro de Moaña logra ser o xogador con máis puntos da xornada. Xunto a Aspas tamén foron MVP esta campaña Brais Méndez e Pione Sisto.
