A cirurxía realizouse sen complicacións. O periodo de baixa roldará as seis semanas
O lateral celeste Hugo Mallo foi operado esta tarde de maneira satisfactoria no Hospital Vithas Nosa Señora de Fátima polo xefe dos servizos médicos do Real Club Celta, Juan José García Cota, quen explicou que “a cirurxía realizouse durante unha hora e quince minutos e terminou sen complicacións”.
García Cota sinalou que se trataba dunha luxación acromio clavicular completa no ombreiro esquerdo e esta tarde realizóuselle “unha redución aberta e a estabilización mediante sutura transósea”.
Indicou ademais que Hugo Mallo levará un cabestrillo inmovilizador durante un tres semanas, pero dentro dun sete días comezará a gozar de mobilidade e iniciará a rehabilitación.
O tempo de baixa do canteirán roldará o seis semanas.
