Andrew Hjulsager debutou este domingo co RC Celta no partido de LaLiga ante Osasuna, un encontro que finalizou con triunfo celeste por 3-0 con goles de Sisto, Jozabed e Aspas. O mozo danés entrou no minuto 84 por Bongonda e ocupou a banda dereita do ataque, deixando varios bos detalles.
Hjulsager chegou a Vigo desde o Brondby danés o pasado mercado de inverno. Ten 22 anos e desenvólvese como centrocampista ofensivo tanto pola dereita como polo centro. Foi internacional con Dinamarca desde a Sub-16 até a Sub-21.