A súa extraordinaria tempada foi recompensada pola afección do RC Celta coa súa elección como mellor xogador do mes en tres ocasións. Agora chégalle un novo recoñecemento. Fran Beltrán é o ganador do Premio Estrella Galicia da tempada 2021/2022 tras obter os premios como o mellor futbolista nos meses de outubro, novembro e abril.
Ademais do centrocampista, Iago Aspas e Joseph Aidoo recibiron, en dúas ocasións cada un, o Premio Estrella Galicia na tempada 2021/22, sempre coa afección celeste como protagonista.
“É especial porque quere dicir que non é que esteas ben durante algúns partidos, senón que rendiches e fixeches o teu traballo durante unha tempada enteira”, comentou Fran Beltrán, quen destacou que “estou moi ilusionado e só podo dar as grazas a toda a afección”.
O medio centro celeste indicou ademais que “somos un equipo, todos viñemos a traballar e a apoiarnos uns a outros e creo que este premio non é só meu, senón dos compañeiros que che axudan día a día”.
Para Beltrán, esta foi “unha tempada agridulce. Non tivemos a sorte de poder estar un pouco máis arriba, pero logo de varios anos loitando polo descenso xa era momento de ter estabilidade”.
