Eduardo Coudet dirixiu este sábado a súa primeira sesión de adestramento como novo adestrador do RC Celta. O preparador arxentino deseñou unha sesión na Madroa na que o balón foi protagonista e na que os xogadores comezaron a coñecer os novos métodos do míster.
Ademais de Coudet, estiveron presentes o que será o segundo adestrador, Ariel Broggi, os preparadores físicos Octávio Maneira e Guido Cretari e o analista Carlos Fernandez. Acompañáronlles Álex Andújar, Nando Villa, Borja Oubiña e Carlos Hugo.
