O internacional croata cheega ao club vigués cedido ata final de tempada e cunha opción de compra
CELTA TV: VIDEO DA PRESENTACIÓN
Danijel Pranjic (Croacia, 1981) foi presentado esta tarde na sala de prensa do estadio de Balaídos. O futbolista croata estivo acompañado polo conselleiro Antonio Rosendo e o director deportivo Miguel Torrecilla, quen o definiu como un “xogador netamente ofensivo. Adáptase a todas as posicións de mediocampo, tanto en banda como en interior á beira dun pivote defensivo”.
Pranjic asegurou que “cando chegou a oferta do Celta non o dubidei nin un momento”. O internacional croata, que participou en dous finais de Champions co Bayern e en multitude de ocasións coa selección de Croacia, considera que pode “achegar moita experiencia ao equipo. O Celta xoga moi ben e non merece estar nos postos baixos da clasificación”.
O novo xogador céltico chega en boas condicións físicas e a partir de mañá adestrará co grupo, baixo as ordes de Paco Herrera.
