Oubiña, Vila, Álex López, Hugo Mallo, Sergio, Yoel e Nolito foron os primeiros en realizar as probas
O Hospital Vithas Fátima, provedor de servizos sanitarios do Celta, comezou esta mañá as probas de recoñecemento médico ao primeiro equipo. Oubiña, Vila, Álex López, Hugo Mallo, Sergio, Yoel e Nolito foron os primeiros en realizar as probas e análises no complexo hospitalario.
Os médicos do Hospital Vithas Fátima realizaron análise, electrocardiogramas e probas de esforzo de cada un dos futbolistas a fin de comprobar o seu óptimo estado de saúde. Mañá mércores será a quenda de Fontás, Cabral, Bellvís, Orellana, Toni, Samuel e David Rodríguez.
O Hospital Vithas Nuestra Señora de Fátima, provedor de servizos médico-sanitarios do club desde mediados dos anos 70, é o encargado de realizar tanto os recoñecementos previos ao comezo de tempada das distintas categorías do club, como de cubrir as continxencias sanitarias que se presentan ao longo do ano.
