Rubén, Krohn-Dehli, Nolito, Mina, Larrivey, Jota, Hernández, Madinda e Charles os primeiros en pasalas
Vídeo en CeltaTV: http://t.co/njLwaKso76
Os xogadores do RC Celta comezaron esta mañá a realizar as habituais probas de recoñecemento médico de pretempada no Hospital Vithas Fátima, provedor de servizos sanitarios do Celta desde os anos 70 e encargado de cubrir as necesidades sanitarias de todas as categorías do club.
Rubén Blanco, Krohn-Dehli, Nolito, Santi Mina, Larrivey, Jota, Pablo Hernández, Madinda e Charles foron os primeiros futbolistas celestes en realizar as análises e examenes físicos no complexo hospitalario. Os médicos do Hospital Vithas Fátima realizaron electrocardiogramas, probas de esforzo e análise de cada un dos xogadores para asegurar o seu perfecto estado de saúde.
Este ano ademais, o primeiro equipo desprázase ao a Facultade de Fisioterapia do Campus de Pontevedra (Universidade de Vigo) para someterse a unha antropometría por impedancia para coñecer a súa composición corporal, cantidades e distribución de auga, graxa e músculo.
Mañá martes será a quenda de Sergio, Yoel, David Costas, Jonny, Fontàs, Cabral, Oubiña, Sergi Gómez e Álex López. O mércores realizarán as probas Hugo Mallo, Carles Planas e os canteiráns que están a realizar a pretemporada co primeiro equipo.
Vídeo en CeltaTV: http://t.co/njLwaKso76
