p>
O RC Celta afronta este sábado ante o CD Lugo o seu primeiro partido de pretempada. O encontro, programado ás 20:00 horas no Campo de Barreiro, enmárcase dentro dos actos de celebración do 90 aniversario da Gran Peña, histórico club vigués que durante anos foi equipo filial do Celta.
O prezo das entradas oscila entre os 10 euros para adultos e os 5 euros para menores de 15 anos e poderán adquirirse nas billeteiras desde as 18:00 horas. A pesar de celebrarse en Barreiro, campo onde habitualmente xoga o Celta B, o carné celeste non será válido para acceder ao recinto ao tratarse dun choque organizado pola Gran Peña.
