Celta-Barça: últimas 2.500 entradas á venda

Balaídos acollerá o encontro ante o conxunto catalán o martes 29 de outubro ás 22:00 horas

Xa se coñece o horario para o partido ante o FC Barcelona, o martes 29 de outubro ás 22:00 horas, un partido apaixonante para o que Balaídos presentará un ambiente extraordinario nas súas bancadas. A falta de tres semanas para a disputa do encontro, apenas quedan unhas 2.500 entradas á venda, con bancadas como Preferencia ou Marcador a piques de completar o seu aforamento.

Os afeccionados máis novos poden beneficiarse do prezo especial Sub-24 de 45 euros nas bancadas de Marcador, Preferencia e Gol, mentres que en Río Baixo e Río Alto o prezo para os celtistas novos é de 65 euros.

O club lembra que os abonados que renovaron ou se deron de alta despois do 19 de xullo deberán retirar para este partido un suplemento de 20 euros en categoría adulto e de 10 para o resto, mentres que quen tramitaron o seu carné con anterioridade á devandita data poderán acudir ao encontro sen ningún custo extra.

Os afeccionados e abonados poden adquirir entradas e suplementos na oficina de abonados de luns a venres, en horario de 10 a 14 e de 17 a 20 horas. Ademais os billetes xa poden adquirirse a través do despacho de billetes virtual, dispoñible as 24 horas o sete días da semana: www.celtavigo.org/taquillaCelta