Disputarase o martes 5 de agosto ás 19:30 (hora local) no Turf Moor Stadium
O Celta xa coñece a outro dos seus rivais de pretemporada. Os vigueses mediranse ao Burnley FC da Premier League inglesa o martes 5 de agosto (19:30 hora local) no Turf Moor Stadium. Este encontro súmase aos xa anunciados ante Norwich City e Wolverhampton Wanderers, partidos de preparación que se disputarán no marco da xeira que os celestes realizarán entre o 31 de xullo e o 8 de agosto en Inglaterra.
O Burnley FC é un dos clubs históricos do fútbol inglés, con dous títulos de liga nas súas vitrinas, ademais de dúas supercopas de Inglaterra e unha FA Cup. O conxunto británico logrou o ascenso á Premier League a tempada pasada tras asinar un excelente campionato.
