O Dr. García Cota estima un periodo de baixa de catro meses para o capitán celeste
Borja Oubiña, capitán do RC Celta, foi sometido esta mañá a unha limpeza articular do seu xeonllo esquerdo no Hospital Quirón de Barcelona. O Dr. Cota, xefe dos servizos médicos do club, participou activamente na operación xunto ao Dr. Cugat, encargado de dirixir a intervención.
“Fixemos unha artroscopia no xeonllo esquerdo cunha limpeza articular con extracción de corpos libres”, explica o Dr. García Cota, quen profunda máis nos pormenores da cirurxía: “Comprobouse o bo estado da plastia do ligamento cruzado anterior, revisáronse e trataron as zonas de lesión de cartílago e aplicáronse factores de crecemento plaquetario e células nai extraídas da medula ósea da pelvis”.
A intervención foi completada “sen complicacións” e estímase que a baixa deportiva do xogador será dun catro meses.
