As probas médicas revelan que o defensa céltico sofre unha fractura no malar dereito
As probas realizadas esta mañá a Carlos Bellvís, defensa do RC Celta, revelan que o xogador sofre unha fractura-afundimento do arco zigomático do malar dereito. Esta lesión require de intervención cirúrxica, que será levada a cabo mañá sábado no Hospital Vithas Nuestra Señora de Fátima polo Dr. Jesús Sandoval, responsable do servicio de ciruxía maxilofacial do citado centro hospitalario.
“Desde o punto de vista do aparello locomotor non hai ningún problema para que empezo a facer traballo físico desde moi pronto, pero hai que limitar o risco de traumatismo. Por iso non poderá realizar exercicios de contacto nun principio”, explicou o Dr. García Cota, xefe dos servizos médicos do club, que estará presente durante a operación.
“Calculo que en dúas semanas poderá traballar con normalidade cunha máscara de protección. O xogador está animado e desexando volver ao traballo. Augusto e Nolito son alta, co cal creo que estarán dispoñibles para o partido do domingo. En canto a Samuel e Bermejo, ambos evolucionan moi ben. Se se cumpren os prazos Bermejo podería incorporarse ao grupo a mediados de mes, aínda que esperaremos máis adiante para darlle a alta”.
