A web oficial do organismo europeo destaca a tempada dos dous futbolistas e do ex técnico celeste
A redacción en España de UEFA.com, web oficial do máximo organismo do fútbol europeo, elaborou un once có equipo revelación da Liga 2013/2014. Entre os xogadores destacados atópanse Nolito e Rafinha, dous futbolistas que rendiron a un gran nivel no RC Celta durante a campaña recén finalizada.
Ao fronte dos once xogadores seleccionados está Luis Enrique, ao que a UEFA recoñece como o adestrador revelación da Liga. O portal digital sinala ao asturián polo seu “xogo vistoso” que “fixo gozar á bancada de Balaídos”.
O once ideal completo compóñeno Keylor Navas (porteiro, Levante), Carvajal (defensa, Real Madrid), Saúl Ñíguez (defensa, Rayo Vallecano), Laporte (defensa, Athletic Club), Bernat (centrocampista, Athletic Club), Rafinha (centrocampista), Iturraspe (centrocampista, Athletic Club), Vitolo (centrocampista, Sevilla FC), Bale (dianteiro, Real Madrid), Bacca (dianteiro, Sevilla FC) e Nolito (dianteiro, RC Celta).
Fuente: uefa.com
